సరదాగా

బాబోయ్ ఐటి

ప్రస్తుతం ప్రపంచ వ్యాప్తం గా ఆర్ధిక మాంద్యం నెలకొన్న నేపధ్యం లో ప్రజల మనోభావాలు ఇలా వున్నాయి -----

ఆడపిల్ల తండ్రి - ఏమండి శాస్త్రి గారు మా అమ్మాయికి మీరు చెప్పిన ఇన్ఫోసిస్ సంబంధం వద్దండి ఆ కోర్టు గుమస్తా సంబంధం ఖాయం చెయ్యండి,కట్నం ఎంతైనా పర్వాలేదు.


-------------------
సుబ్బారావు కొడుకుని చేర్చడానికి ఇంజనీరింగ్ కాలేజీ ప్రిన్సిపాల్ ను డొనేషన్స్ వివరాలు తెలుసుకుంటున్నాడు

సివిల్ పది లక్షలు, మెకానికల్ ఎనిమిది లక్షలు, ఎలేక్ట్రోనిక్స్ ఐదు, ఐటి రెండు లక్షలు అంటు ఏకరువు పెట్టాడు ప్రిన్సిపాల్.
అదేంటి సర్ ఐటి రెండు లక్షలు అంటున్నారు అసలు డిమాండ్ లేదు కదా అన్నాడు సుబ్బారావు అమాయకంగా .
అదే సర్ ఆ రెండు లక్షలు ఐటి లో చేరిన వారికి మేము ఇస్తాము, మిగతా బ్రాంచెస్ కు ఐతే మీరు చెల్లించాలి నవ్వుతు చెప్పాడు ప్రిన్సిపాల్.
షాక్ అయ్యాడు సుబ్బారావు!!!! వెంటనే తేరుకొని అన్నాడు అలాఅయితే రెండు సీట్లు ఇవ్వండి సర్ నాకోటి మా అబ్బాయి కొకటి, ఈ సారి షాక్ అవ్వడం ప్రిన్సిపాల్ వంతు అయ్యింది.

నవ్వొస్తే నవ్వండి

అప్పుడప్పుడు మదిలో దొరలే ఆలోచనలను హాస్యరూపం లో మలచడమే ఈ చిన్న ప్రయత్నం.

ప్రస్తుతం వార్తలలో నలుగుతున్న అంశం కందిపప్పు, కందిపప్పు పై కొన్ని జోకులు ---

పెళ్ళిళ్ళ పేరయ్య ఆడ పిల్ల తండ్రి తో అంటున్నాడు -
పెళ్ళిళ్ళ పేరయ్య - పరంధామయ్య గారు మగ పెళ్ళివారు మీరు కట్నం కింద ఇస్తామన్న 100 సవర్ల బంగారంవద్దంటున్నారు, దానికి బదులు గా పది కిలోల కంది పప్పు ఇస్తే చాలంటున్నారు.
పరంధామయ్య - కందిపప్పు ఇచ్చే స్తోమతే వుంటే ఈ సంబంధము ఎందుకు చూస్తాను, ఎ టాటా నో బిర్లానో వియ్యంకుడిగా చేసుకొనే వాడిని.

-----------
నగలు కుదువ పెట్టడానికి వచ్చిన రైతు తో నగల వ్యాపారి ఇలా అంటున్నాడు

నగల వ్యాపారి - అయ్యా నగలు కుదువ పెట్టుకొనే రోజులు పోయినాయి మీకు డబ్బు కావాలంటే ఒక కిలో కందిపప్పుతీసుకొని రండి మీకు ఎంత డబ్బుకావలంటే అంత ఇస్తాము. నగలు మాత్రం తీసుకొనేది లేదు.

రైతు - ఆ కందిపప్పే వుంటే నీదగ్గరికి ఎందుకు వస్తాను బాబూ, నీలాగే నగల వ్యాపారం మొదలెట్టేవాడిని
----------

ఒక ప్రముఖ దినపత్రిక లో వార్తలు - - -

ప్రముఖ పారిశ్రామిక వేత్త శ్రీ అనిల్ ముఖేష్ ఈరోజు శ్రీ వేంకటేశ్వర స్వామిని దర్శించుకొని ఏభై కిలోల బంగారు కిరీటాన్నిసమర్పించారు, ఇందులో వజ్రాలకు బదులుగా అత్యంత విలువైన కంది పప్పు పొదగడం విశేషం. ఇంత విలువైన కానుకస్వామి వారికి ఈ మధ్య కాలం లో ఎవ్వరు ఇవ్వలేదని ఆలయ ధర్మకర్తలు అన్నారు
---------

ఇల్లు దోచుకోడానికి వచ్చిన దొంగలతో ఇంటి యజమాని - -

బాబ్బాబు ఇదుగో ఈ డబ్బు నగలు అన్ని తీసుకో మమ్మల్నేమి చెయ్యకు
దొంగ - ముష్టి నగలు ఎవడికి కావాలి బ్రతుకు మీద ఆశ వుంటే కందిపప్పు ఎక్కడ దాచారో చెప్పండి.

-----------

ఒక బ్యాంకు వద్ద ప్రకటన ---

ఇచట కందిపప్పు పై రుణాలు ఇవ్వబడును, కంది పప్పుకు లాకర్ సౌకర్యమ్ కలదు.


- - - - - - - -